NAPATITIG si Matthew sa orasan. Gabi na ay wala pa si Sienna. Hindi niya alam kung saan ito nagpunta. kaya lang siya hindi masyadong nag-aalala ay dahil hindi naman siya kinakabahan. Isa pa ay nagkaintindihan sila ni Mama Sylvia na tatawag ito kapag dinalaw ni Sienna ang anak sa bahay nito.
Nagpasalamat naman siya dahil wala sa hitsura ni Mama Sylvia ang makikialam sa kung anumang problema nilang mag-asawa. Marahil ay nabasa rin nito sa mukha niya ang pagtatago nang itanong ang tungkol sa asawa.
Napasulyap siya sa telepono. Wala pa ring tawag.
Nagpasya siyang igawa ang sarili ng kape. Napakunot ang kanyang noo nang walang makitang asukal. At ang lalong nagpalalim sa kanyang pagkakakunot ay pati ang mismong lalagyan ay wala.
Tatawag sana siya ng kawaksi nang makita si China. Kapapaligo
