STEPHANIE
Sinamahan ako ni Heide sa opisina ni Allen. Pero nagtaka ako dahil parang nagulat siya nang makita ako. Parang hindi niya alam na darating ako. Hindi siya nag-iisa sa loob ng opisina niya. May kasama siyang matangkad na lalaki na may kargang cute na batang lalaki. Naabutan namin silang nakaupo sa couch at mukhang seryoso ang pinag-uusapan. Nang lumapit si Heide sa lalaking may kargang bata, saka ko napagtanto kung sino ang dalawa sa buhay niya.
Ang gwapo pala talaga sa personal ng asawa niya. Kaya pala sabi ng ibang mga kaklase namin, napakaswerte raw ni Heide. Bukod sa bilyonaryo ang napangasawa, pinagpala rin sa kagwapuhan ang asawa. No wonder, bata pa lang ang anak nila, pero nangingibabaw na agad ang taglay nitong karisma.
Hinalikan muna niya sa labi ang kanyang asawa bag
