EKSAKTONG alas tres ng hapon nang marinig ni Khrysstyna ang buzzer na naghuhudyat ng breaktime sa hapon. Nag-save siya ng kanyang ginagawa sa desktop. Pagkatapos ay tumayo siya at kumuha ng tubig sa water dispenser. Nang makakuha na siya ay agad din siyang bumalik sa kanyang mesa. Habang umiinom ay hinila niya ang drawer sa kanyang mesa.
Tiyempo namang napansin niyang nag-vibrate ang kanyang cellphone. Kinuha niya ito at binasa ang caller ID. Tumatawag si Edmark. Bakit kaya, tanong niya sa sarili. Sinagot niya ang tawag.
“Hello!”
“Finally, sumagot ka na rin,” sabi ng nasa kabilang linya.
Napa-buntunghininga si Khrysstyna nang marinig ang boses ni Edmark.
“Bakit? Anong kailangan mo?” nagtatakang tanong niya. Hindi pa sila nag-usap o nagkita man lang ni Edmark mula pa noong gabing mala
