INABOT na naman ng gabi si Khrysstyna sa kanyang trabaho. Dapat kaninang alas singko pa sana siya uuwi. Pero ngayon ay alas otso na. Mula noong dumating siya noong nakaraang buwan sa Cebu, halos gabi-gabi ay may overtime siya. Kadalasan ay umaabot ng dalawa o tatlong oras. Tuloy hindi na siya nakakapagluto ng dinner niya. Kaya dumadaan na lang siya sa mga restaurants o fastfood bago siya umuwi. Tulad ngayon, wala siyang choice kung hindi kumain na naman sa labas.
Kalalabas lang niya ng elevator nang biglang tumunog ang kanyang cellphone. Nang tingnan niya ang caller ID, pangalan ni Edrian ang naroon. Napangiti siya.
Simula noong araw na makausap niya ito sa airport, lagi na itong tumatawag at nagti-text sa kanya. Tatlong beses itong tumatawag sa kanya sa isang araw, umaga, tanghali, at
