Pagod na ngumiti si Hyacinth nang yakapin siya ni Silas. Napatingin din siya sa amin at halata ang pagtataka. Naluha ako habang pinagmamasdan ang dalawa.
“Baby, I missed you.” Mahina ngunit narinig ko ang sinabing iyon ni Silas kay Hyacinth.
Napatingin ako kay Zav. Nakatitig lamang siya sa dalawa at walang emosyong pinapanood ang nangyayari. Nilapitan ko siya at hinawakan ko ang kamay niya. Nilingon niya ako.
Nginitian ko si Zavian nang magsalubong ang aming paningin. Nakita ko rin naman ang dahan-dahang pagngiti niya sa akin.
Tinawag ang doktor at kaagad na tiningnan si Hyacinth. Hawak-hawak pa rin ni Silas ang kamay ni Hyacinth na para bang ayaw niya na itong bitawan at pakawalan pa.
“Maayos na naman ang pakiramdam niya. Kailangan na lamang na magpahinga pa ng ilang araw, so she ca
