Maingat ang aming bawat pagkilos. Kahit wala pa naman kaming nakikitang mga banta o anino ng mga tauhan ni Javier, kailangan naming magdoble ingat kung gusto naming makatakas nang maayos.
“Naghihintay sila sa may dulo ng lupaing ito. Hindi raw tayo sa front gate lalabas dahil maraming bantay at camera roon,” paliwanag ni Mama. Tumango lamang ako habang patuloy na sumusunod sa mga hakbang niya.
Malawak ng lupaing iyon kaya kahit malayo na kami sa pinakangbahay ay hindi pa namin naaaninag ang mga tinutukoy ni Mama. Baka sina Roland iyong naghihintay. Kasama kaya si Zavian? Gusto ko siyang makita pero hindi na rin ako umaasa na baka kasama siya ngayon. Baka makita ko na lamang siya kapag nakatakas na kami at nadala kami sa kinaroroonan niya.
Mabilis ang aking paghinga dahil sa patuloy na p
