Galit na galit ako habang tinitingnan si Javier. Hindi ko malaman kung kanino ko ba ibubuntong ang galit ko; sa kanya ba o kay Derrick na siyang nagdala sa akin dito.
Masyado akong nagtiwala kay Derrick dahil alam ko na tapat siya kay Zavian at matagal na kaming magkakasama! Hindi ko akalain na magagawa niya ito sa akin.
Lumagpas ang titig ko kay Javier at sa lalaking trumaydor sa amin. Nakayuko lamang siya at hindi ako matingnan. Dapat lang, matapos itong ginawa niya ay talaga dapat mawalan siya ng lakas ng loob na tumingin sa direksyon ko.
“Hayop ka! Ano na namang kailangan mo?!” Halos masugod ko si Javier nang maproseso ko ang lahat sa aking sistema. Na naririto ako at napapalibutan ng mga tauhan niya habang siya ay nakangisi sa harapan ko.
Hinawakan ako ng mga lalaking kasama ni Ja
