Pumunta rito si Caleb kanina. May pinag-usapan lang sila ni Zavian. Narinig ko iyon kaya’t nang umalis si Caleb ay agad akong nagtungo sa opisina ni Zav dito sa bahay.
“Hi,” bati ko sa kanya. Madalas niyang dito gawin ngayon ang mga trabaho niya dahil gusto niya raw akong alagaan kahit sabi ko sa kanya ay hindi na naman iyon kailangan.
Tumingin siya sa akin at ngumiti rin nang makita ako. Naglakad ako papalapit sa kanyang table at nang papaupo na sana ako sa isang silya ay gumalaw siya. Tinapik niya ang kanyang kandungan kaya’t napanguso ako.
Lumapit ako sa kanya pero hindi para maupo sa kandungan niya. Mamaya makalimutan ko pa iyong itatanong ko kapag ginawa ko iyon.
Humilig na lamang ako sa lamesa niya. Natawa naman siya dahil sa hindi ko pag-upo sa kandungan niya. Ngumiti akong muli
