Tumigil ako sa paglalakad dahil nararamdaman ko na ang nalalapit na pagtulo ng aking luha nang may marinig akong pagbukas ng pinto ng walk-in closet at mabibigat na yabag ng paang naglalakad patungo sa akin. Bago ko pa man iyon malingon ay naramdaman ko na ang mainit at may kahigpitang yakap mula sa kanya.
“Z-Zav?” Gulat na gulat ako nang maramdaman ko ang yakap niya. Na ang luhang kanina lamang ay patulo na, muling bumalik sa loob ng mata ko at hindi na natuloy. Naguguluhan ako kung bakit bigla siyang bumalik ganoong akala ko ay aalis na siya.
“I’m sorry,” bulong niya sa akin na lalong nagpagulo sa isipan ko. “Natatakot lang ako na baka masaktan kita sa mga gusto kong gawin sa ‘yo. Kaya kahit gustong-gusto kitang halikan, yakapin nang mahigpit, at iparamdam sa ‘yo ang pagmamahal ko, nat
