Hindi alam ni Kyra na sa paggising niya ay walang alaala niyang haharapin ang mundo. Kahit pangalan niya o makikilala man lang ang lalakeng nasa tabi niya hindi niya magawang maalala. Sa bawat hakbang na tinatahak niya at sa pagbabalik muli ng alaala niya, muli niyang mararamdaman ang init ng mga halik ng lalake na isa pa lang prinsipe.

"A sinful night after my graduation. A one-night stand with a prince." Hindi alam ni Muriel kung ano ang gagawin nang paggising niya ay wala ni isang himulmol ng damit niya ang natira katawan niya. Alam niya kung ano ang nangyari nang gabing iyon lalo pa nang makita niya ang lalakeng katabi niya na kapareho niyang walang saplot ngunit suot pa rin ang maskara mula sa party kagabi. Tumakbo siya. Tinakbuhan niya ang kasalanang ginawa. Tinakbuhan niya kasama ang bata sa sinapupunan niya na hindi niya alam kung sino ang ama. Paano kung malaman niya na ang lalakeng nakaniig niya ng gabing iyon na siyang ring ama ng anak niya ay ang playboy na prinsipe ng kanilang bansa?

"Breaking all the rules is not enough, but breaking all the hearts just to be with you." Walang kaalam-alam si Iesha na ang lalakeng napili niyang halikan ay isa pa lang prinsipe na magiging hari sa hinaharap. Sa bawat hagod ng labi nito sa kanya ay ramdam niya ang bigat at pagbabago ng buhay niya. Sa Cordancia, isang kaharian na maraming tinatagong lihim, magawa kaya niya na angkinin ng buo ang prinsipe na walang ginawa kung hindi akitin siya?

"Without you, I am no one. With you, I'm the miserable one." Hindi akalain ni Antoinette na sa pag-akyat niya ng burol ay magbabago na ang mala-Cinderella niyang buhay. Wala sa isip niya na makakatagpo niya ang ikalawang prinsipe na hindi man lang niya nakilala sa unang sulyap. Nang malaman ang lihim ng prinsipe ay sinubukan niya itong itulak palayo pero huli na ang lahat. Hindi niya namalayan na hawak na siya sa leeg ng lalake at wala na siyang ibang pagpipilian kung hindi gawin ang gusto nito. Napipilitan nga lang ba siya o hindi na rin niya kayang tanggihan ang tinig ng katawan niya na ang pangalan ng prinsipe ang sinisigaw?