Si Miranda Jean Gonzales o mas kilala bilang Ida ay nangangarap na maging isang Youtuber. Pero dahil sa eskandalong kinasangkutan ay itinigil niya ito at pinili na lamang mamasukan bilang kasambahay. Ngunit sino nga bang mag-aakala na iba ang plano sa kanya ng tadhana? Dahil ang panibagong mundo na kanyang pinasukan ay mag-iipit rin lang pala sa kanya sa gulo sa pangalawang pagkakataon. Makaahon pa kaya siya o tulad ng buwan at bituin na nagpakain sa lalim ng gabi, tuluyan na rin siyang magpalamon sa dilim na bumabalot sa kanyang buhay?

"We almost collided . . . Almost," he whispered. "But you lied to me." Namayani ang katahamikan sa pagitan namin. Unti-unting nanlalabo ang paningin ko dahil sa luhang namumuo sa mga mata ko. Ang makita siyang nasasaktan ay sapat na para makaramdam ako ng sakit at galit para sa sarili. "Even if the moon and stars collide, I don't think I would want you back again into my life." He turned his back against me and walked away. Ngunit wala ng mas sasakit pa sa mga katagang binitiwan niya. Ang mga luhang kanina ko pa pinipigilan ay parang gripo na nag-unahang mamalisbis sa pisngi ko habang pinagmamasdan siyang papalayo sa akin. "I'm sorry . . ."