"The Bodyguard Secret Affair" Hindi akalain ni Elaine na malalagay siya sa isang sitwasyon na hindi niya kailanman gugustuhin. Bilang isang Sales Agent ng kompanyang pinagtatrabahuhan, isang kasumpa-sumpang transaction ang hindi niya inaasahan na kakasangkutan niya . Bukod sa nanganib na ang buhay ng dalaga ay mauuwi pa siya sa isang lalaki na hindi naman niya ginusto at mapipilitan siyang pakisamahan ito. Si Voltaire Guerero, isang maimpluwensiyang tao ang gagawa ng malaking papel sa buhay niya. Mula ng mapagkamalan siyang kasangkot sa illegal na gawin dahil sa tama ng bala ng baril sa tagiliran niya, mapipilitang sumama si Elaine sa may katandaang lalaki para hindi siya ipakulong nito. Hindi naging madali para sa isang pobreng empleyada ang pakisamahan ang isang lalaking tinitingala ng nakararami. Bukod sa kailangan niyang magpanggap na mahal niya ito ay mas magiging mahirap pa para kay Elaine ang manatili sa tabi ni Voltaire lalo na ng makilala niya ang napakagwapong body guard nito--si Adrian. Si Adrian Montefalco ang isa sa matapang na body guard ni Voltaire ang magpapatibok ng puso ng dalaga. Mapanganib man para kay Adrian na mahalin ang dalaga ay hindi niya kayang pigilan ang kagustuhan ng puso niya. Patuloy niyang mamahalin si Elaine at handa siyang itaya ang buhay niya para protektahan ang dalaga.

Lenlyn Gonzales ay anak ng isang negosyante sa bayan ng Valenzuela City.Isang bratt na dalaga ito at tanging pag-gimik at pag-uwi ng umaga ang tanging alam nito. Dahil sa pag-aalala ng kaniyang ama na si Hernan Gonzales, nagpasya ang matandang negosyante na ipakasal ang dalaga sa anak ng kaniyang kaibigan--kay Carlo Alcantara.Naging daan ang planong iyon ng matandang Gonzales para lalong maging suwail ang anak na si Lenlyn.Nagtrabaho siya bilang isang sekretarya sa isang kompanya na pagma-may-ari ng binatang si Xander Villarama na walang ibang hiling kundi ang ipagmalaki ng kanyang biological father na si Joel Alcantara.Lingid sa kaalaman niya,ang binatang si Xander ang lalaking minsan ng gumawa ng malaking puwang sa puso niya ng halikan niya ito sa isang party para matakasan ang pangungulit ng dating nobyo.Kung kailan maayos na ang lahat at naging malalim na ang pagmamahalan nila ng binatang si Xander, kakailanganin niyang sundin ang ama para pagbigyan ang hiling nito na pakasalan si Carlo Alcantara matapos nitong magkasakit. Magagawa niyang bitawan ang pagmamahal na meron sila ni Xander para pakasalan ang Half Brother nito na si Carlo Alcantara.Ngunit saan nga ba sila dadalhin ng masalimuot na kwento ni Lady in red?Mananaig ba ang kagustuhan ng ama ng dalaga o puso ang magdedesisyon para sa taong tunay na nagmamahal?Magagawa mo bang piliin ang totoong minamahal para sa tunay na kaligayahan?