Nang tuluyan kaming makalipad at makalampas sa kumpol-kumpol na mga ulap na hitsurang bulak, tuluyan na ring kumalma ang katawan ko. Wala akong naramdamang parang tubig when we went through the clouds—napakasinungaling nga naman talaga ni Abel!
Pero mas lalo akong namangha nang makita ang nagkalat na mga ulap at mga lupa na mayroong mga bahay. Ang nakakamangha ay ang malalaki at makakapal na parte ng ulap na mayroong mga isdang nagliliparan at naglalanguyan doon na para talagang isa iyong dagat. So hindi pala sinungaling itong si Abel.
"We have different types of clouds here. Iyan iyong tinutukoy ko," ani Abel nang mapansin ang pagkamangha ko.
Muli kaming lumipad pataas hanggang sa marating namin ang isang malaking parte ng lupa sa ere. Parang may isang bagong mundo rito, ngunit artipi
