“Sh-t! Ang sakit ng tainga ko,” bulong niya sa akin at ipinulupot muli ang kaniyang braso sa aking bewang.
Papunta na kami ngayon sa dining area pero ang mga mata ko ay hindi maalis sa mga naglalakihang painting na nakadikit sa mga pader. Halatang mamahalin ito dahil may mga signature pa ito ng mga kilalang Artist sa buong mundo.
May mga naglalakihan din mga display na vase at sigurado akong hindi rin basta-basta ang mga ito dahil halatang mamahalin din. Hindi ko rin sigurado kung totoong ginto rin ang mga ito o pininturahan lamang ng ginto.
“Inasar mo pa kasi si Manang. Iyan ang napapala ng mga mapang-asar,” sambit ko pero tumawa lang siya.
Halatang nasisiyahan din siya sa pakikupagbiruan kay Manang marahil ay sobrang close sila at base sa sinabi ni Manang ay siya rin ang nagpalaki ka
