Ilang linggo din ang hinintay ko, pero hindi talaga ako pinuntahan ni Tristan. Natiis niya na ganoon kami. Hanggang sa nabalitaan ko na lang kayla Red na nakauwi na sa Pilipinas si Helga at madalas na mag-post ang babae na kasama niya si Tristan. Duon ako biglang nagising na baka nga sa pagkakataong ito, talagang naghihintay na ako sa wala. Baka tuluyan ng nawala sa akin ang nobyo ko.
Ilang gabi kong iniyakan iyon. Ayokong isipin na ipinagpalit na niya agad ako sa babaeng 'yon pero parang ganoon na nga ang ibig sabihin ng hindi niya pagpunta sa akin at ng mga post ni Helga sa social media.
Huling linggo na namin sa Pilipinas at tuluyan na akong sumuko. Baka nga hindi niya talaga ako mahal at nang makita niya si Helga sa Italya, napagtanto niyang ang babaeng 'yon talaga ang gusto niya. Ba
