VENICE MARTINEZ's Point Of View
"PAPA, aalis na po ako." Paalam ko kay Papa habang dala-dala iyong paglalagyan ko ng palaka at isang sibot.
"Mag-ingat ka ha."
"Opo!" Humalik ako sa pisngi ni Papa bago ako tuluyang lumabas ng bahay.Pagkalabas ko ng gate nanlaki ang mata ko ng makita ko roon si Jibbson na nakapangbahay lang na suot gaya ko at may dala siyang bike.
"Anong ginagawa mo rito?" Taka kong sabi.
"Wala kasi akong gagawin sa bahay kaya naisipan kong samahan ka na lang manghuli ng palaka. Okay lang ba?" Nahihiya niyang usal.
Bigla naman akong sumaya sa sinabi niya. Hindi nga? Sasamahan niya ako?
"Oo naman e! Salamat!" Masaya kong sabi. Ngumiti siya sa akin tsaka sumakay sa bike niya. "Sakay ka na sa likod," sabi niya at minuwestra sa akin ang dulo ng bik
