LYSANDER POINT OF VIEW
Umaga pa lang, nararamdaman ko na ang pagod. Wala pa akong ginagawa pero parang gusto ko nang tapusin ang araw. Hindi ko alam kung dahil ba sa dami ng trabaho o dahil sa presensya ng isang tao na ilang linggo ko nang tinitiis.
Naka-upo ako sa opisina ko habang nagbabasa ng ilang papeles nang biglang sumabog ang katahimikan.
"I got this feeling inside my bones!"
Napatingin ako sa pinto ng opisina ko, napakunot-noo. Anong nangyayari?
Hindi pa ako nakakabangon sa kinauupuan ko nang bumungad ang malakas na boses na, kung tama ang narinig ko, ay galing kay Coraline.
"It goes electric wavy when I turn it on!"
Pumikit ako at huminga ng malalim.
Paanong ang simple kong umaga ay nauuwi palagi sa ganito?
Tumayo ako at lumabas ng opisina. Sinundan ko ang tunog ng bose
