OWEN POINT OF VIEW
Tahimik akong nakaupo sa sofa sa gilid ng study habang sinusuri ang ilang papeles. Ito ang tinatawag kong "emergency refuge"—ang lugar kung saan ko sinusubukang huwag makialam sa anuman ang nangyayari sa pagitan ni Sir Lysander at ni Coraline.
Pero hindi maikakailang nakakaaliw silang panoorin minsan. Kagaya ngayon.
Naroon si Sir Lysander sa kanyang mesa, malalim ang kunot ng noo habang tumututok sa laptop. Samantalang si Coraline naman, abala sa pag-aayos ng mga libro sa shelf na para bang isang interior designer.
"Coraline, ilagay mo na ‘yang libro sa tama," malamig niyang sabi habang hindi tumitingin mula sa screen.
"Ay, opo, Sir," sagot niya, pero kitang-kita sa kilos niya na walang balak sundin ang utos. Sa halip, nilagay niya ang isang maliit na potted plant
