“Did you, two, fight again?” masungit na tanong ng kaniyang ina at nagpalipat-lipat ang tingin sa kanilang dalawa.
“No, mom,” sabay nilang sagot. Kapwa sila natigilan at nagkatinginan.
“Hindi halatang scripted, ha.” Umirap ito sa kanila.
“Pagsabihan n’yo po ang anak ninyo, mommy. Ang aga-aga, sinusungitan ako. Ginising ko lang naman siya kanina para kumain—”
Buong lakas niyang tinapakan ang paa ni Trent sa ilalim ng mesa. Napaigik ito sa sakit at matalim na tumingin sa kaniya.
“She’s hurting me, too, mom!” sumbong pa nito.
“Gwynneth Nikolai, nasa harap tayo ng pagkain. Behave. You, too,” baling nito kay Trent.
Ngumisi siya at umirap dito.
Napailing na lang si Mila habang pinapanood ang mag-asawang parang batang nagbabangayan sa harap niya. Hindi niya alam pero parang mas gusto
