Naniniwala ako sa kasabihang, "You don't choose your family. They are God's gift to you, as you are to them." Hindi talaga natin mapipili kung ano o sino ang magiging pamilya natin pero kahit anuman ang ibigay sa atin ni God ay tanggapin natin dahil regalo niya ito sa atin. Suwerte lang talaga kung mapunta ka sa masaya at mapagmahal na pamilya.
Nagulat ako noong paglakas ko ay sobrang lakas ng ulan sa labas ng fastfood chain ng Jollibee. Hindi kasi dinig masyado sa loob ng stall ang ingay mula sa mga patak ng ulan kaya akala ko ay ambon lang. Pagbukas ko pa lang ng payong ko ay halos tangayin na 'to ng hangin. Iyong doll shoes kong itim at foot sock ay halos basang-basa na rin. Mabuti na lang din ay lagi akong may dalang payong kung sakaling ganito na umulan.
"Ma'am Autumn, malakas po
