NAGISING si Ashton na bahagyang masakit ang ulo. Ala-una ng madaling araw kasi ay pagising-gising pa si Autumn. Hindi ito makatulog dahil sa sobrang pag-iisip sa nangyari. Mabuti na lang bandang alas-singko ay nagtuloy-tuloy ang himbing ng tulog ni Autumn kaya malayang nakatingin lang siya sa maamong mukha ng kasintahan para bantayan habang nakayakap.
Pagkatapos noon ay hindi niya namalayang napapikit na pala siya at agad na nakatulog dahil sa pagod at antok na nararamdaman na kanina pa niya pinipigilan. Hanggang ngayon ay namamaga pa rin ang mata nito dahil sa ginawang pag-iyak kagabi. Dahil doon ay hindi niya napigilang haplusin ang namamagang mata ng kasintahan. Ilang minuto ang lumipas ay napagpasyahan ni Ashton na pumunta sa kusina ni Autumn upang magluto ng kanilang kakaining a
