Euan’s POV
Sabay-sabay kaming kumain ng lunch sa restaurant na si Dad mismo ang namili. Sinabi naman sa akin ni Lance na may pagkain din para sa mga kasabwat nila sa opisina. Hindi ko inaasahan na nandoon din ang iba pa naming kaibigan ni Oswald noong college kami kaya nagmistulang reunion ang pagkikita na iyon. Ipinakilala ko sa kanila sina Rosaleen at Tovee, nakipag-kuwentuhan at nakipag-kumustahan sa kanila at inalala ang ilan sa mga kalokohan namin noon. Akalain mo bang ang mga pasaway na estudyante noon ay magiging propesyonal? Alam naman namin na marami sa naging guro namin noon ay hinding-hindi maiisip na magiging ganito kami at kahit papaano ay natutunan namin sa kanila ang pagbibigay ng pangalawang pagkakataon dahil kahit ilang beses naming pinasakit ang ulo nila ay tinulungan ni
