Euan’s POV
Hindi ko gaanong naintindihan ang sinabi ni Zach pero noong nasuntok ko siya ay bahagya siyang kumalma habang umiiyak pa rin. Sa pagkakataong iyon ay parang naramdaman ko ang prisensya ng dati kong kaibigan. Masama man ang loob ko sa kanya, wala naman na akong magagawa dahil nangyari na ang lahat. May kanya-kanya na kaming responsibilidad sa mga anak namin kaya hindi ito ang oras para magsisihan at para isipin pa namin ang mga sarili namin.
“Zach, ulitin mo nga nang mas malinaw ang sinabi mo sa akin. Ano ba ang ginagawa mo rito?” Kalmado naman ako habang nagtatanong sa kanya. Kung tama man ang pagkaka-intindi ko sa narinig ko kanina ay siguradong hindi siya nagbibiro o gagawa ng ganoong klaseng kasinungalingan dahil nakita ko ang sama ng loob niya kay Sharinna noong nalaman ni
