Euan’s POV
Maraming trabaho ngayon kaya abala kami ni Dad sa iba’t ibang klase ng meeting. Pabalik-balik ako sa opisina ni Dad at sa ibang department para matapos ang isang project. Mukhang ibinibigay sa akin ni Dad ang mga ganitong klase ng trabaho para hindi ako magkaroon ng oras sa pag-iisip ng mga bagay-bagay at para hindi ako magkaroon ng oras na uminom.
Kanina ay nagpunta ako sa opisina ni Dad pero umalis lang daw ito saglit kaya babalikan ko na lang mamaya dahil may kailangan akong i-discuss sa kanya. Pagkalipas ng ilang minuto ay kinailangan ko ulit tingnan kung nandoon na si Dad dahil may kailangan siyang pirmahan. Sakto naman na nakita kong kapapasok lang niya sa opisina kaya binilisan ko ang paglalakad, mukhang hindi niya narinig ang pagtawag ko sa kanya.
“Dad, may kailangan
