MUKHA NAMANG nagsasabi ng totoo si Clint. Kung nagsisinungaling man ito ay wala na dapat ito sa tabi niya ngayon.
“Paano mo pala nalaman na nandito ako sa hospital?” kyuryos na tanong niya dahil imposibleng tatawagan ito ng kapatid niya dahil pati ito ay may sama rin ng loob kay Clint. Lalo na nga at nagdadalantao siya sa anak nila ni Clint.
“Nasa coffee shop ako nang mawalan ka ng malay. Eksaktong kadarating ko nang makita kong akmang sasaktan ka ni Nimfa,” sagot nito. Hindi siya nagpahalata na natutuwa siya sa kaalamang pinuntahan na naman pala siya nito kanina. Noong hindi na ito nasundan ang pagdalaw nito sa kanya noong pumunta sa bahay nila ay ganoon na lamang ang panlulumo niya. Napagtanto kasi niya sa huli na dapat pala ay hinarap niya ito upang nakapag-usap sila nang mabuti.
“Ga
