“Saan daw kayo magdidiwang ng monthsary n’yo, Ate?” tanong ng kapatid niya nang ipaalam na mag-a-out of town sila ni Clint. Nag-aayos siya ng sarili niya dahil may pupuntahan daw sila ni Clint nang pumasok ang kapatid niya sa silid niya
“Monthsary ka riyan? Hindi kami nagce-celebrate no’n, ‘noh?” pagtatama niya sa maling akala nito. “Pakiramdam ko pangbagets lang ‘yon.”
“Bakit naman hindi? Kami nga ni Anthony ginagawa pa ‘yon, eh.”
“Kayo ‘yon. Kami hindi na. Sa loob ng limang buwang pagiging mag-boyfriend at girlfriend namin ay walang nangyayaring selebrasyon,” paglalahad niya. Hindi niya kasi talaga feel ang mga ganoon.
“Ang killjoy mo naman, Ate.”
“Killjoy na kung killjoy. Basta ang importante, we’re happy,” kinikilig na sambit niya sa kapatid.
“’Yan naman tayo, eh. Siyempre nama
