Pagdating niya sa bahay ay hinanap niya agad ang tatay niya. Gusto niya itong makausap. Pero hindi niya makita. Hindi niya alam kung nasaan ito. Kaya pumanhik muna siya sa kuwarto niya upang magbihis. Habang nagbibihis ay hindi niya maiwasan na hindi mahulog sa malalim na pag-iisip. Nasisiyahan siya sa pagbabalik ni Clint ngunit naguguluhan din naman siya. Hindi niya alam kung ano ang dapat na maging desisyon.
Hanggang sa napagod na ang utak niya kakaisip. Bumaba na lang siya at nagpunta sa kusina para maghanda nang ilulutong ulam sa panggabi nila.
Pero sinilip muna niya ang anak kung ano ang ginagawa nito sa kuwarto. Nagulat siya dahil naroon pala ang tatay niya.
“’Tay, ‘andito pala kayo? Kanina ko pa kayo hinahanap, ah,” anya na niluwagan ang pagkakabukas ng pintuan.
“Narito ka na pa
