Hindi mawala-wala ang mga ngiti ni Mina sa mga labi niya habang naghahanda ng pang-umagahan. Kararating lang nila kagabi galing sa Batangas, at halos hindi na siya makatulog dahil kakaisip kay Clint. Makailang ulit niyang binabalik-balikan sa isip ang nangyari sa Batangas at ang date nilang dalawa. Ngayon niya lang ulit naranasan ang ganoong pakiramdam—ang pakiramdam ng isang in-love. Kung noon ay itinatanggi pa niya na may feelings na siya rito. Noong nandoon sila sa Batangas ay inamin na niya sa sarili na mahal na niya si Clint. At napagpasyahan niyang gusto niya ulit sumubok ang magmahal. Gusto niyang sundin ang payo ng kapatid niya na pagbigyan niya ang sariling magmahal ulit at maging masaya dahil sa pag-ibig.
“Maganda yata ang gising natin ngayon, anak, ah?” Nilingon niya ang tatay
