Ngumiti lang siya sa sinabi nito at mas hinigpitan pa ang pagkakahawak niya sa kamay nito.
“Saan mo gustong unang sumakay?” tanong nito sa kanya na nagpalinga-linga pa sa paligid.
Tinignan niya ang isang rides na nasa harapan nila kaya sinundan naman nito ang tinitingnan niya.
“Gusto mo riyan? Sigurado ka?” paniniguro nito.
“O-oo. Sabi kasi nila masarap daw sumakay diyan. Kahit pakiramdam mo ay mahuhulog ang puso mo kapag biglang pababa na,” anya na pinanood ang mga nakasakay sa naturang rides.
“Tara, subukan natin at baka sakaling mahulog din ang puso mo sa akin.” Napamulagat siyang tiningnan ito ngunit seryoso ang mukha nito na nakatingala sa taas habang sinusundan ng mga mata nito ang nagsisimula nang tumaas na rides. Pero wari ba’y may bahid nang lungkot ang tinig nito nang sabih
