Tinungo niya ang kusina nito. May kaliitan lang iyon ngunit kumpleto sa gamit. Ang laki ng refrigerator kaya naakit siyang buksan iyon. Tumambad sa kanya ang laman nito at halos lumuwa ang mga mata niya dahil punong-puno ito ng mga pagkain.
“I’m thinking of staying here tonight,” napaigtad siya sa biglaang pagsasalita ni Clint sa likuran niya. At nasagot rin ang katanungan na nabuo sa isip niya pagkakita sa maraming pagkain sa refrigerator nito.
“Bakit hindi mo sinasabi sa akin? Saka mauubos ba natin ‘to?” tanong niya na hinarap ito. Nakahalukipkip ito habang nakasandal sa pader. Lumapit ito sa kanya at niyakap siya.
“I want to be with you the whole day, sweetheart. Bukas may pupuntahan ako baka abutin ako ng isang linggo. Mamimis kita kaya gusto kong makasama ka nang matagal,” paglala
