Maaga silang bumalik sa Maynila kinabukasan dahil may business trip meeting itong pupuntahan. Hinatid lang siya sa bahay nila at umalis din ito agad dahil may flight daw itong hahabulin. Nalulungkot siya dahil isang linggo niya itong hindi makikita. Kaya pala bigla itong nagdesisyon na mag-overnight sila sa rest house nito sa Tagaytay dahil mawawala ito nang matagal. Hindi pa man umaabot nang isang araw na hindi ito nakikita ay namimis na agad niya ito nang sobra.
“Anak, kumusta ang lakad niyo ni Clint?” ang tatay niya na nilapitan siya sa kusina. Abot-abot ang ngiting nilingon niya ang kanyang ama.
“Okay naman po, ‘Tay. Masaya.”
“Pansin ko nga, anak, eh. Ang ganda nang ngiti mo,” anito na pati ito ay kakikitaan din nang saya sa mukha.
“Salamat, ‘Tay, sa mga payo niyo. Kung wala po ka
