Tinawagan niya si Clarise. Tinanong niya kung saang presinto dinala si Nimfa ng mga Police at agad naman nitong ibinigay ang lahat ng detalye sa kanya.
Tinawagan din niya ang kanyang abogado na humahawak sa kaso ng custody ng kanyang anak. Sinabihan niya ito na pumunta sa presinto at doon sila magkita.
Pagdating niya sa presinto ay nakita niya na nasa loob na ng kulungan si Nimfa. Tulala habang lumuluha. Nilapitan niya ito.
“Bakit mo nagawa ‘yon, Nimfa?!” galit na galit na tanong niya kay Nimfa. Ngunit hindi ito sumasagot, patuloy lang ito sa pag-iyak. “At paano mo nalaman ang tungkol kay Mina?”
“Mr. Herrera, ganyan na po siya nang kunin namin siya sa coffee shop ni Miss Montes. Hindi po nagsasalita maliban na lang po nang tawagan niya ang abogado niya,” anang isang pulis na nag-asika
