Kinurot niya tuloy ito sa tagiliran. Kahit anong palusot ang sabihin niya ay palaging may sagot ito. Kung kaya’t lihim na lang siyang napabungisngis sa ideyang mauulit muli ang nangyari sa kanila kanina.
Paglabas nila sa kuwarto ay may nakahanda ng pagkain sa maliit na mesa na nasa pinakakusina ng bahay.
Agad siyang natakam sa mga pagkain na nakahain doon.
“Ipinahanda ko kay Blake kanina. Hinahanap ka nga nila kaya lang ang sabi ko nagpapahinga ka,” pag-iimporma nito sa kanya.
“Napansin ko lang, mahal, bakit ba ikaw lagi ang inaasar nila?” hindi siya makatiis na hindi usisain ang bagay na iyon.
“Ah, iyon ba? Natutuwa lang ang mga iyon na may minamahal na ako ngayon,” sabi nito. Naguluhan siya sa dahilan nito kaya gumuhit ang gitla sa noo niya habang nakatingin dito.
“Gano’n lang ‘y
