Habang nagpapaantok si Mina sa kanyang kuwarto ay hindi niya maiwasan na alalahanin si Nimfa. Naaalala niya ang itsura nito kanina habang kausap nila at humihingi ng kapatawaran nila ni Clint. Halos hindi na ito makapagsalita ng deretso dahil sa sobrang pag-iyak. Naikuwento rin ni Clint sa kanya noong ipinadampot ito ni Clint sa mga pulis at pinuntahan nito roon ay panay din ang iyak nito at pagsasabi ng ‘sorry’. Habang kausap nila ito kanina ay nakaramdam siya nang matinding awa para dito. Pero nang maisip din niya kasi ang ginawa nito sa kanya na halos ikapahamak nilang mag-ina ay biglang nanumbalik ang galit niya rito. Kaya hindi na siya nagsalita pa nang panay ang hingi nito ng kapatawaran sa kanila.
Pero ngayon napagtanto niya na tao lang siya at tao rin si Nimfa na nakakagawa ng mga
