Kung paanong walang pasabing tumawa si Sir Coco ay gano'n din siya kabilis tumigil at parang walang nangyaring binalik sa labas ng bintana ang tingin.
Ilang sandali pa at huminto ang sinasakyan namin sa harap ng isang establishment na sa labas pa lang ay masasabi kong sarado pa.
Pagkahinto nang sinasakyan namin ay hindi na naghintay pa si Sir Coco na mapagbuksan nang pinto at nagpatiuna na itong bumaba.
Kandaugaga naman ako sa pagsunod sa kanya lalo na at ang lalaki ng mga hakbang niya na para bang uhaw na uhaw na siyang uminom.
Bago pa man nakalapit sa saradong main entrance si Sir Coco ay kusa na iyong bumukas. Isang nakangiting lalaki ang nakatayo sa tapat ng pintuan at hinihintay na makalapit si Sir Coco.
"Coco," bati nung lalaki habang nakangiting nakasandal sa pinto na para bang
