Hindi na ako nakakuha ng sagot mula kay Sir Coco dahil dumating na kami sa bahay ng mga magulang nila ni Sir Mhilo.
Katulad nga ng inaasahan ko ay hindi pahuhuli ang bahay sa mga bahay meron ang ibang Carson sa Austramica. Nasa sasakyan pa lang ay agad akong sinalubong ng tanawin ng malawak na driveway na tila ginintuan sa kintab. Ang mga ilaw na nakalinya sa gilid ng daanan ay parang mga bituing inilibing sa lupa, maliwanag pero elegante at hindi nakakasilaw.
Ang mismong bahay, o mas tamang sabihing mansion, ay may dalawang palapag at kahit mula rito sa labas ay kapansin-pansin na may bahagi sa ikalawang palapag na gawa sa salamin. Wala na akong masyadong dapat ikamangha dahil hindi rin naman ako lumaking kapos, pero iba pa rin talaga kapag may taste ng isang Carson, halatang may old
