“I heard that the college dean wants to talk to you,” bati ni Talitha kay Dorcas habang inilalapag nito sa ibabaw ng table nila ang binili nilang pagkain. Nasa school canteen sila ngayon para magmeryenda.
“Oo nga,” matamlay niyang tugon. “At kinakabahan ako. Parang alam ko na kung ano ang sasabihin sa akin.”
“Iyong tungkol sa kaso mo ba?” Kinagat ni Talitha ang hawak na turon. “Wala tayong magagawa, friendship. Kalat na sa buong campus ang pagkaka-aresto sa iyo noong isang araw. Kung bakit kasi itong mga local reporters natin, walang pinapatawad. Naturingan kang anak ng dating mayor ng bayang ito, pero ibinalita pa rin nila ang pagdakip sa iyo ng mga pulis.”
Nakagat ni Dorcas ang ibabang labi. “Pakiramdam ko ngayon ay parang may sakit akong nakahaha
