Chapter 60: A scheme?
Sa isang hindi kilala at mahirap na baryo ay may isang palapag na bahay ang gawa sa kahoy. Maliit lang din ito. Nasa loob ng bahay ay makikita ang pigura ng isang matangkad na binatang ang mga mata ay parang itim na perlas. Nakasuot siya ng itim na damit habang nakatayo sa harap ng bintana upang pagmasdan ang mga batang masayang naglalaro sa silong ng may kalakihang puno.
Dama niya ang preskong simoy ng hangin na tumatama sa direksyon niya. Ganito lang ang buhay na dapat ay para sa kaniya; payapa at walang pinoproblemang panganib. Pero alam niya na hindi permanente ang katahimikan na nilalasap ngayon, maaaring hindi pa nga ito tumagal ng isang linggo o kahit isang araw lang.
Pinagmamasdan niya ang mga batang nagkukulitan sa silong ng malaking puno. Subalit ang ting
