Chapter 58: Bayman Goodman!
Tinapos ng apat ang kanilang pagpupulong tungkol sa pag-atakeng naganap sa Alchemy Shop ng Noble City. Napagdesisyonan nila na manatiling tahimik at imbistigahan ang Hari habang si Bayman Goodman naman ay bibisita sa apat pang lungsod na hawak ng Noble Faction para gamitan ng Divine Technique.
Hindi niya naman gagamitin ang Divine Technique sa buong lungsod dahil hindi sapat ang abilidad niya para gawin ito. Gagamitin niya lang ang Divine Technique sa mga importanteng tao na nanunuluyan sa lungsod na posibleng maging puntirya ng salarin sa pagkalumpo ni Mando Featherson. Kaya naman ang mga pinakamalalaking negosyo lang ang bibisitahin niya at hindi na kailangan pang libutin ang buong lungsod.
Ang unang lungsod na binisita ni Bayman ay ang Featherson City. Kun
