Kent’s Point of View
MABILIS akong pumasok sa Office ng Dean of Student ng SJU—si Dr. Roberto Sebastian. Ama siya ni Larry na kaibigan ko. Pumunta ako rito dahil sabi ni Larry ay may kailangan daw ang Dean of Student sa ’kin. Hindi ko alam kung ano iyon.
Pinapasok naman ako ng isa sa mga staff na naroon. Pinadaretso niya ako sa pinaka-main office ni Dr. Roberto. Kumatok muna ako bago pumasok.
“Ah, Kent. Come in,” sabi ni Dr. Roberto sa akin nang ituon niya ang tingin niya sa pinto nang makapasok ako. Nakita kong inilahad pa niya ang kamay niya roon sa katabing upuan para paupuin niya ako. Ginawa ko naman ang utos niya.
“Why did you summoned me?” daretsahan kong tanong kay Dr. Roberto nang makaupo ako. Alam kong napakabastos ng approach ko sa kanya pero hindi na iyon bago sa akin dahil
