Monica’s Point of View
NANANATILING hindi kami nagkikibuan ni John nitong nakalipas na dalawang linggo. Matapos kaming magkainitan noong isang araw dahil sa ka-negahan niya, hindi ko na siya pinansin pa. Ni hindi na nga siya nakikitulog sa bahay, at hindi ko rin alam kung saan na siya nakikitulog ngayon.
Mataas kasi ang pride ko. Pero minsan naman, ako na ’yong humihingi ng sorry sa aming dalawa kapag alam ko na ako ’yong nagkamali.
Pero sa ngayon, ’di ko talaga siya papansin. Kahit pa na magmukha akong immature sa ginagawa ko.
Isang tanghali ay kasalukuyang nasa palengke ako. Tinutulungan ko kasi si Nanay na magtinda ngayon dahil may ginagawa sa bukid si Tatay.
May puwesto kasi si Nanay rito sa palengke. Nagtitinda ng mga sari-saring gulay si Nanay at kung ano-ano pang mga rekados.
