“R-Rina! Anong nangyayari sa’yo? Ma’am Gabriella?” anang kasamahan ko.
Nagigiba ang harapan ng mansion ng mga Donofrio dahil sa komosyong nangyayari. Si Ma’am Gabbie ay sugatan ang makinis na binti. Ako, may dinadamdam ding kurot sa bandaang paa. Namamanhid ang kamao ko at tila ba handang sumuntok sa mga luhang nag-iipon na sa aking mga mata.
“Rina, halika na...” ani Amaris at Ava na hila ako sa braso.
Tiningala ko ng tingin ang aking mga kaibigan, sunod, ang isang pares ng mga mata ni Mrs. Donofrio na siyang pumapatay sa akin habang alalay ang mahal na dalaga. Sumunod, sa dalawang orbang nakakapanghindik dahil sa pagiging blanko.
“P-Pasensiya na po! Hindi ko po sinasadya...” Kinagat ko ang labi sa kahihiyan.
“It’s okay! Wala lang ito,” pilit na ngisi ni Ma’am Gabbie.
