Maagap akong nakababa sa terminal ng bus dahil sa kawalan ng traffic. Kahit hindi ko alam kung papaano ako makakauwi ay nilakasan ko ang loob. Isa-isa kong binasa ang mga sign board at nang makita ang aming probinsya ay doon ako pumasok.
Nang umandar ito, napabuntong-hininga na lamang ako at sumilip sa bintanang katabi. Wala akong dalang kahit ano, pera at sarili ko lamang ang dala ko. O ‘di kaya’y kalahati na lamang ang nasa sa akin. Sira na hindi lang ang pananaw ko.
Nakatulog ako ng dalawang oras dahil na rin siguro sa pagod at puyat. Gumalaw ako sa upuan at pinagalitan ang sarili dahil masakit pa rin ang aking ibaba. Kinuntento ko ang sarili at nang makita ang pamilyar na mga sign ay panatag na ako. Ilang oras din akong natulog at nakatingin lamang sa labas. Nagugutom ako nguni
