“I arrived last night. Kayo? May pinakuha si Mama na confidential papers.” kibit-balikat ni Kuya Judah nang makabalik na kaming muli sa bahay. Walang umalis dahil tensyunado pa rin ang lahat. Ako ay hindi ko alam ang mararamdaman ko.
“Too confidential?” Nakatingin si Kai sa kanyang Kuya Judah ngunit ramdam ko ang dahan-dahang pagdausdos ng kanyang mga daliri sa akin sa ilalim ng mesa. Tumikhim ako at binawi ang aking kamay.
“Hindi ba sinabi sa inyo ni Felisha?” Namarkahan ng marahang kunot ang magandang mukha ni Kuya Judah.
Malaki ang kanyang pinagbago ngunit dahil sa mga pinadadala nilang litrato sa hacienda ay hindi ko malilimot ang kanilang pamilya. Makisig, matangkad at malalim kung tumingin ngunit mas prominente ang nakataas na gilid ng mga labi. Iyon ang pinagkaiba nila
