Shaynne's POV
Malapit nang sumikat ang araw nang matapos kaming magplano. Mabuti na lang at nakumbinsi ko silang isali ako sa misyon bukas. Kailangan naming mag-ipon nang lakas para handa kami bukas. Aasahan naming magiging agresibo sagupaan dahil parehong hindi papatalo ang magkabilang grupo.
Nagpaiwan muna ako sa sala, gusto ko muna kasing pag-isipan ang maaaring mangyari bukas. Naaalala ko pa ang sinabi ng propesor na nasa akin ang kahihinatnan ng misyong ito. Kung gugustuhin ko ba silang mamatay o hahayaan silang mabuhay.
Kinapa ko ang litratong nakuha ko sa villa ni Dela Cruz. Napatitig ako sa markang naroon. Bakit kaya nasa kaniya ito, at ano ang kinalaman niya sa nangyari? Siya ba ang nagpapatay kay kina mama dahil pinakulong siya ng mga magulang ko? Gano'n ba kalaki ang galit
