Melissa's POV
Matagal-tagal na rin kaming hindi nakakagala simula nang mangyari iyong engkwentro.
Nababagot na ako rito. Tila ba lalagnatin ako kundi ako makagala. Medyo nasanay na rin kasi ako, napapadalas kasi ang gala ko bago kami napunta rito.
"Laurenz, paano kung lumabas tayo bukas ng umaga? Nababagot na ako eh," saad ko.
Dahil sa sinabi ko ay nabulunan siya habang kumakain ng itlog. Lumabas pa nga sa ilong nito ang butil ng kanin kaya't tinawanan ko siya nang napakalakas.
"Nakakatawa yang itsura mo pero pumayag ka na kasi. Ilang buwan na rin tayong nagkukulong dito," pagmamakaawa ko.
"Melissa, alam mo naman na delikado, 'di ba?" sabi niya kaya't nanahimik na lang ako at nagbugnot.
Nang mapansin ni Laurenz na hindi ko nagustuhan ang sinagot niya ay kinalabit niya ako.
"Si
