Kabanata 26
Z A C H I A
Sa huli, wala na akong nagawa kundi ang pumayag na magpahatid sa kanya sa school dahil anong oras na at hindi pa din siya pumapayag na bumalik ako ng school mag-isa. Pero habang nasa byahe kami pabalik ng school hindi ko siya kinakausap. Hindi din naman siya nagsasalita at pareho lang kaming tahimik sa loob ng sasakyan. Parehong may kanya-kanyang sama ng loob. Pero sa pagkakataong ito ayoko munang isipin ang sama niya ng loob sa akin.
Hindi ko naman kasi pwedeng hayaan na lang na tratuhin niya si Lawrence ng ganoon. Lalo pa at wala namang ginagawang masama 'yong tao. Wala siyang karapatan na bastusin ang kaibigan ko dahil lang lalaki ito at hindi niya ito gusto para maging kaibigan ko.
Sino ba siya para makialam sa buhay ko? Oo, alam kong binigyan ko siya ng kar
