NANG mga sumunod na araw ay naging maayos ang lahat sa buhay ni Sybilla. She performed her first heart transplant in Dr. Rizalino Mendoza Memorial Hospital. The heart just got there in time. Halos mawalan na siya ng pag-asa, pati ang kanyang pasyente, ngunit naging maayos ang lahat.
Masaya si Sybilla sa Dr. Rizalino Mendoza Memorial Hospital. Masaya siya sa mga nakakasama sa loob ng ospital. Madaling nakagamayan ng mga nurse ang ugali at quirkiness niya sa OR. Madaling nakabisa ng mga ito ang mga ritwal at pamahiin niya. She was happy with the interns and residents under her service. Kahit na alam niyang nangingilag ang mga ito sa kanya, sa palagay niya ay mas mahuhusay ang mga ito kaysa sa ibang intern at residente. Madaling turuan ang karamihan sa mga ito.
Naging kaibigan na rin niya
