AYAW SANANG tumayo ni Sybilla mula sa kinahihigaan ngunit nais din naman niyang makita si Mathias na alam niyang siyang nasa labas ng kanyang pintuan. Hindi maganda ang kanyang pakiramdam. Kaagad iyong napansin ni Mathias pagkakita sa kanya.
“Are you okay?” ang kaagad nitong tanong habang tumutuloy sa loob ng kanyang unit. May bitbit itong supot na sa hula niya ay pagkain. Nakasanayan na nilang kumain ng agahan at hapunan na magkasama.
“No,” ang matamlay niyang tugon habang nakasunod.
Dumeretso si Mathias sa kusina samantalang ibinagsak naman ni Sybilla ang katawan sa sofa. Inabot niya ang isang lata ng softdrink sa sahig ngunit magaan na iyon, wala nang laman. Tinatamad na siyang tumayo at layon din lang na nasa kusina na si Mathias, itinaas niya ang hawak na lata ng coke. “Can you ge
