NAPANGITI si Sybilla nang makita ang ekspresyon ng mukha ni Mathias pagkakita sa kanya. Nakaayos siya nang husto nang gabing iyon. Suot niya ang pulang long gown na may napakalalim na V sa neckline. Hindi nanlaki ang mga mata nito o napanganga ngunit nakita niya ang pag-init ng tingin nito. He obviously found her sexy and delicious.
Iniwanan niyang bukas ang pintuan at tumalikod upang makita nitong nakalantad din ang halos buo niyang likuran. Napangiti si Sybilla nang marinig ang pagsinghap nito. Si Mathias na ang nagsara ng pintuan.
“Parang kulang sa tela ang suot mong damit,” anito habang pinaparaan ang mga daliri sa kanyang likuran.
Naglakbay sa buong katawan ni Sybilla ang masarap na kilabot. Kamuntikan na siyang literal na kiligin. Ipinakita niya ang silk wrap na kasama ng gown. “G
